Urtero bezala “Herri sahararren aldeko XVII. Euskal Karabana: Piztu Itxaropena” izeneko kanpaina  antolatu da Euskal Autonomia Erkidegoan.

Aurton pandemia dela eta, ez da elikagairik bilduko lehen bezala supermerkatu-zentroetan eta dendetan. Hezkuntza zentroetara luzatuko da kanpaina.

Gure eskola ere kanpaina honekin bat dator eta parte hartzera animatzen zaituztegu produktu hauek ekarriz:

BATZEN DIREN PRODUKTUAK:

• Atuna oliotan
• Sardinak oliotan
• Arroza
• Pasta
• Egoskariak
• Azukrea
• Konpresak

BATZEKO EPEA: urtarrilaren  22ra arte

Gaur goizean, abenduak 17, Katilotxura oinez ikasleekin joatea pentsatu dogu.

Historia lantzen hasi gara eta Neolitoko aztarnarik Katilotxuko tontorrean agerian ez egon arren, bertan dauden txartelak aztertu, eta hamaiketakoa jan ondoren, bueltatuko gara. Gure herriko historiaurreaz zerbait gehiago "in situ" ikasteko aukera izan ezik, martitzenean Tana arkeologoa gure gelara etorriko da arkeologo baten lana hurbiletik ezagutzeko eta aditu baten eskutik gure zonaldeko historiaren zati bat ezagutzeko aukera eskeiniz.

Barikuan, azaroaren 20an, LH3 eta LH4ko ikasleek irteera egingo dute Bird Centerera. Hegazti eta horien migrazioen ezagutzarekin disfrutatzeko aukera izango dute.

Barikuan, azaroaren 20an, LH1 eta LH2ko ikasleek irteera egingo dute Urkiolara. Ekimen honen bitartez, ikasleek mendiko paisaia eta Euskal mitologia ezagutzeko eta baloratzeko aukera  izango dute.

Datorren ostiralean, azaroak 6, Udal Liburutegian, HHko ikasleek, Ana Apika ipuin kontalariarekin saio batzuk izango dituzte.
HH 5 urte: 45 minutu, 09:15
HH 4 urte: 45 minutu, 10:15
HH 3 urte: 30 minutu, 11:30

Datorren astezkenean, martxoak 4, Julen Gaviria idazlea, 3. eta 4. mailako ikasleekin egotera dator, “Metro bateko letrak” liburuari buruz hitz egitera.

Barikuan, otsailaren 7an, LH1 eta LH2ko ikasleek irteera egingo dute Bermeoko Arrantzale Museora. Ekimen honen bitartez, ikasleek arrantza eta arrantzaleen mundua  ezagutzeko aukera  izango dute. Bestalde, irteera goizez burutuko da, ikasleak  bazkalordurako eskolara etorriko direlarik.

Martitzenen goizean, azaroaren 26an, Mundakako eskolako 5. eta 6. mailakoak udal liburutegira joango dira bertako arduradunekin ekintza bat aurrera eramateko. “Smartphonak eta sare sozialak”.

Martitzenean, azaroaren 26an, LH1 eta LH2ko ikasleek irteera egingo dute Laidatxu eta Ekoetxea Urdaibaira. Ekimen honen bitartez, ikasleek Urdaibaiko kostaldea ezagutzeko eta baloratzeko aukera  izango dute.

Azaroaren 21ean, Urremendi eta BAT Basque Teamegaz egingo den berbaldiarekin  loturik, Maider Unda eta Richard Oribe kirolariak  ikastetxera etorriko dira, euren bizipenak Lehen Hezkuntza 5. eta 6. mailako ikasleekin partekatzeko.

Asteartean, maiatzaren 28an, Arrate Egaña idazlea etorri zen  3. eta  4.mailako ikasleekin egoten.

Arratsalde osoan egon zen haiekin, bere liburuez hitz egiten. Aldi berean, berarekin, Mª Mar Aguirre ilustratzailea ere egon zen. Gaur egun, bere liburuak ilustratzen ditu.

Ikasleak gogoz egon ziren, eta oso ondo pasatu zuten.

Maiatzak 3, barikua, 1. eta 2. mailako ikasleok, Basondora joan ginen!

Bertan, 2 orduko ibilbidetxo bat egin genuen eta bertoko animaliak ezagutu genituen.

Basondo mehatxatutako basa­faunaren babeslekua da eta bertan gure inguruko basanimali nagusiak aurkitu genituen: orkatzak, basurdeak, oreinak, adarzabalak, katajineta, azkonarra, basakatua... baita harrapari, hontza eta hegazti migratzaile mota ezberdinak ere.

Halaber, gure lurraldean desagertuta dauden beste espezie batzuk aurkitu eta hurbiletik ikusteko aukera izan genuen, besteak beste, katamotza, otsoa edota bisonteak.

LH 3. eta 4. mailako ikasleak Sukarrietara doaz, maiatzak 6tik 9ra. Lau egunetako egonaldia egingo dute bertan. URA proiektua landuko dute eta tailer desberdinak ere egingo dituzte.

Gaur, apirilak 4, Lea-Artibai, Mutriku eta Busturialdeko Hitzaren kazetariak ikastetxeko 3. eta 4. mailako ikasleekin egon dira. “Elkarrizketa” testu tipologia landu eta kazetaritzari buruzko gorabeherak komentatu dituzte.

Honi buruzko albistea hurrengo loturan ikus dezakezue: http://busturialdea.hitza.eus/

Paperezko edizioari dagokionez, apirilaren 10ean egunkarian argitaratuko da, azken orduko arazorik izan ezean.

Datorren barikuan, apirilak12, 5. eta 6. mailako ikasleok, Gure Historia aztertzeko aukera izango dugu, Arrolako Oppidum-ean eta Arrolagune Interpretazio zentroan.

Apirilaren 5ean, Lea-Artibai, Mutriku eta Busturialdeko Hitzaren kazetariak, 3. eta 4. mailako ikasleekin egongo dira. Testu tipologia desberdinak nola landu eta kazetaritzari buruzko gorabeherak komentatuko dira.

Datorren martitzenean, hilak 26an, Historiaurrea eta Historia gaiari amaiera emateko, Quintana arkeologo ospetsuarekin,  gelan tailertxo bat egiteko aukera izango dugu 5. eta 6. mailakoek.

Otsailaren 21ean, Miguel Miñana izango dugu eskolan. Lehen  Hezkuntzan, bi saio izango ditugu berarekin.  Nekazaritza ekologikoa, laranjaondoen kudeaketa,  izango da jorratuko dugun gaia.

Otsailaren 14an, osteguna, LH1., 2., 3. eta 4. mailako ikasleek ekintza bat izango dute udal liburutegian.

Oraingo honetan, Apika taldearen eskutik izango da eta antzezlana, “Liburutegi Automatikoa”, helburua, liburutegia hobeto ezagutzea izanik.

Taldearen informazioa: www.apikabilbao.com

Aurten, HH 4 eta 5 urteko ikasleak, Gernikako igeritokira joango dira, urtarrilaren 15etik 22ra.

Azaroak 29an, osteguna, LH1.2. mailakoak,  GUGGENHEIM museora doaz.

Arte Hezkuntzaz sentsibilizatzeko lehen urratsak jasoz, hezkuntza mailara egokitutako ibilbideak egingo dituzte museoan zehar. Erakusketa zehatzen edo gainearen araberako ibilbideak, tailer bat barne, egingo dituzte.

Egun osoko irteera izango da (08:45 – 16:00)                                                          

Datorren azaroak 6 (A taldea) eta 9an (B taldea), 3.zikloko ikasleak Zornotzako ENEEK (Euskadiko Nekazaritza eta Elikadura Ekologikoaren Kontseilua) ezagutzera joango dira.

Bertan praktika aktibo baten bitartez, ikasleak gure inguruko lurzoru emankorrera gerturatuko dira. Honen iraupena eskola-jardunaldi bat izango da eta Amorebieta Etxanon egingo da.

Amorebieta-Etxanon kokatuta dagoen Euskadiko Nekazaritza eta Elikadura Ekologikoaren egoitza ezagutu ondoren, Ibarra izeneko, hurbileko auzoan dagoen, baserri ekologiko batean lur laginak jaso eta nekazaritza-ekosistema horren osasun diagnostiko erreala egingo dute.

Datorren asteazkenean, urriaren 31an, HH3, 4 eta 5 urteko ikasleak EKOETXEA URDAIBAIra joango dira autobusez.

Bertan bazkalduko dute, arratsaldez bueltatuz eta ikasleen irteera, beti bezala, arratsaldeko lauretan izanik.

Hile honetan eta datorren hilean, 90 minutuko 4 saio guztira, Kulturartekotasuna lantzen ari gara Gernikako Mankomunitateko Inmigrazio taldearen laguntzaz, munduko beste kulturen informazio pixkat izateko eta baloratzen ikasteko.

Eguazten honetan, urriaren 24an, Ehsan Ullah Khan, Pakistaneko ume esklabuen kontrako aktibista gure eskolara etorri da, Europatik zehar hitzaldiak ematen dabilela, bere herriko umeen egoera aldarrikatzeko. Aukera ezin zuzenagoa munduko beste herrialdetako ume batzuen egoera ezagutzeko eta horretaz hausnartzeko.

Datorren asteazkenean, urriak 17, ARTIGAS-ARRAIZ, Bizkaiko Hondakinen kudeaketa interpretazio zentrora joango gara.

ARTIGAS-ARRAIZ zentroan, formakuntza programa desberdinak garatzen dira. Ikasleek hiri-hondakinen ibilbidea ezagutu (Hondakinen jatorria, kudeaketa, tratamendua, bererabilera, desagertzea eta hauen gestioa zelan egiten den ulertuko dute. Horrela kontzientziatuz eta gehiegizko kontsumoak dakartzan ondorioez hausnartuz.

Datorren astelehenean, ekainak 4, Lehen Hezkuntza 3. eta 4. mailako ikasleak, Arrigorriagako Mendikosolo parkera  joango dira.

Bertan “Mendikosolo Ingurugiro Gelan”,  ingurumen tailerra egingo dute.

Datorren asteazkenean, maiatzak 30, Lehen Hezkuntzako ikasleak liburutegira joango dira, Eneritz Artetxekin “Uretako ipuinak” jarduera lantzera.

LH 1.2.--- 11:30-12:30

LH 3.4.--- 15:00-16:00

LH 5.6.--- 10:00-11:00